Вы здесь

Версия для печати

Грамота Ватопедского монастыря великому князю Василию III о получении милостыни, о невозможности приезда в Москву священноинока Саввы и намерении прислать Максима Грека.

Около 23 марта – 30 июня 1516 г.
Российский государственный архив древних актов
Ф. 52. Оп. 1. Д. 1. Л. 3 об. – 4 об.
Подлинник.

«А се грамота к великому князю из Ватопеда манастыря.

Благовернеиши и наяснеиши, о Христе Боже царю крепчаишии всеа земли Русскиа, и иже о окиане множества язык, нам же смиренным множае благодателну, и от среди сердца возлю//(л.3об.)бленному государю и ктитору. Молим о всем всеблагаго Бога и пречистые владычице нашея Богородицы и приснодевыа Марие, яко да сохранит в здравие всегда дръжаву богохранимаго ти царства безболезненна, здрава, мирна и непобедима, мужествена же и бодреиша въ еже на супротивных воиньствах, их же да покорит и да сътрет всегда господь Бог, силам поддержавным и благоверных твоих ног, яко да будеши благоверных народу столп крепок и храм прибежищу от лица враг их по божественному писанию. Подобно и благовернеишу августию, о Христе Бозе наяснеишую нашу государыню, госпожу великую княгиню кланяем же ся отечески молимся о сем, яко да господь Бог услышит ея молитву и вседневное моление и призрит на приношениа ея и милостыня, яко же и праведных Анны первыа и вторыя, да дарует еи по сердцу ея и по желанию исполнить еи, Боже, всяческаго молениа, призри на верных царей и раб славы твоеа, и даи же // (л.4)им по воле твои плод благ и спасителен, яко о том прославится и о сем пречистое твое имя. К сему же царю нашъ крепчаишии, служебне смиренно и приносим царствию твоему, яко вернеишии раб царствиа твоего Василей Копыл многими и великими труды, и искушеньми и убытки, их же приять от безбожных агарян, едва доиди до нас, смиренных, здрав с великим возможе и донесе милостыню царствиа твоего, юже исправи праведнее и богобоязливе по всеи Святыа Горы, и прочая вся, елико заповедаем царствие твое о молитвах и молениах, и о поминаниах, иже по имяном писаных благоверных князеи и княгинь, все добро и пристоино съдела, яко же пишет и преподобныи отец наш прот. По сих же въспроси и честнеишаго духовника и священноинока Савву, по наказанию царствиа твоего и по приказу всесвященнеишаго митрополита, господина Варлаама, не могущу же убо духовнику священнику господину Саве старостию и болезни ножныя приити к царствию твоему. Воспомянухом мы многую//(л.4об.) и великую любовь бывших цареи, киръ и Иванна и Андроника Палеологов, твоего царствиа прародителеи и праотец, ими же начась иже о нас священнаасиа и царскаа обитель Ватопеди, сущую их ктиторию, и живущее призираа, добре устрояху всегда, и паки по отхожению их многими и добрыми здании и священными к съсуди устроиша и обогатиша, тако же изволение великое, юже изъяви к нам царствие твое, яко чару серебряну великую и иные священные одежи удостоил прислати к нам, и великия ради любви и чти, юже изъяви к честнеишему брату нашему, священноиноку Нифонту, о нем же челом бием державе царствиатвоего и молимо се всегда и преблагодаримъ.

Сих ради всех осудихом мы смиренныи служебники царствиа твоего, послати к тебе возлюбленнаго брата нашего Максима, искусна суща и пригожа к толкованию и преведению всяких книг церковных и глаголемых елинских, понеже от юноскиа младости в сих возрасте ученияхъ…»