«А писали естя ко мне с ними требуя от нас милостыни на потребы честным обителем, и мы ныне старцов к вам отпустили. А с ними есмя вместе к вам послали с милостынею своих людей Васила Копыла Спячего да Ивана Воравина. А что есмя послали к вам милостыни, и мы то писали к вам в своей грамоте. А вперед, коли похотите к нам послати милостыни ради, и вы бы послали к нам с сею нашею грамотою. А мы ож, даст Бог, хотим честныа обители, иже во святей горе Афонстей, и вперед дозирати и милостынями помогати доколе Бог взвелит.»