«(Л. 1) <…> А се грамота к великому князю из Пантелеимонова манастыря от игумена Па(и)сия и от старцов с старцы с Савою и с Пахомием.

 Благочистивому и в Христа Бога благоверному и от вышнего промысла избранному великому государу Василею, милостию божиею единому самодержавному правому государу всем землям Рускыим, Восточным и Северным, государу и великому кнезю Володимирскии, Московскии, Новгородцкии, Псковскии, Смоленскии, Тферскии, Югорскии, Пермьскии, Вятцкии, Болгарскии, и иных, и государь и великий кнезь Новгорода Низовские земли, и Черниговскии, и Резанскии, и Волотц кии, и Ржевскии, и Белскии, и Ростовскии, и Ярославскии, и Белозерскии, и Удорскии, и Удорскии, и Обдорскии, и Кондинскии, и иных,// (л. 1 об.) и нашему великому государу и ктитору. Манастира царские обители, иже в Святеи Горе Афонсцеи пребывающеи и живущеи иноцы, в реченнем манастиры святого и славного великомученика и целебника Пантелеимона, еже нарицаемаго Русскии манастир, мы молебници въсегдашнии твои, великаго ти господьства, к господу Богу о твоем долголетнем здоровию и за всех твоих просим, смирении игумен Паисеи, священноинок, да и священници и старцови, купно и вса о Христе братиа, смирение творимо челом до лица земли великому ти господствию, да и молимо господа Бога Вседержителя и того всенепорочною матерь Богородицу, и святого великомученика Пантелеимона и целебника, яко да дарует се господьству ти великому живот и здравие многолетно и спасение, благоденьство и благопоспешение, и победа светла, и удоление на враги видимие же и невидимие же, покорити се им по нозе твоеи христианом на радость и нам на утешение премногое, и по много долголетнем сем//(л. 2) житии, и житии, и еже с Христом да наследуешь небесное царство, иде же несть конца неизменна, но свет присносущнии и радость неизреченна. Аминь.

И по сем вспоминаемо честному ти царству, тамо прислали мы о господи и братию нашу – священноинока Саву, проигумена да и Пахомиа священноинока, и Матфеа мних, с обычным благословением, благословити се у господьство ти и челом бити за всех нас у благочестиваго и христолюбиваго царства ти. И пакы и да известно скажут о всем подробно о святом манастиру и о нашим пребывании в сих морских странах, будут сказати о всем. Паки, государу великыи, молимо ти се, и прежде писали есмии, що би поновити твое господствосвятии манастир и святоую церковь. Манастир есть от преждних времен от твоих дедов и предедов създан и морован, уже надобе поновити се и построити у твоим святым и богодарованным царствии, да ти господь Бог съвыше дарует и распространить в широти и длъготи земские да будешь сиему манастиру святого Пантелеимонова// (л. 2об.) дому нови ктиторьа своеи отчины, малим трудом будешь потрудити, а велику мьзду и ползу и милость будешь от Бога въсприимить и почьсть и похвалу повьсуду, и зде и будущем веце, малим потруждением. А колико из темелиа да си его създал, да тако вменит ти се от господа Бога, яко же сам извещал есть пресвятыми усти: Будут, рече, пръви последнии и последнии прьвы. Паки сиа места имают страх от морских злодеи, того деле, да се поградит и затверьдит, еже есть святи олтарь, и то поразволит се и паднет- надобе да есть. Яко же и наши государи и ктитори своим церквам, котори имут свое отчине, направляют и строет, и Волоски, и Иверскии, и инши того деле молимоти се поновити свою отчину и дедину, що бо инши нас не милуют о том, како те господь Бог наставит о всем. Еще приносимо любовное моление, велики государу, що есть где сеет се пшеница // (л. 3) на пашню, чим манастир хранит се, то туркове берут нам десетое, щоби турескому царю послал о тем некую речь, како знает твое господство, щоби не брали нам десятое. Инши измолили свое монастире не дати им ничего, тамо будут сказати наша братия о всем. И прислал еси по наших старцов Симону петь сороков соболей да петь тысуч белки, коли тамо приходили такожде и Святие Горы, и всеблаги Бог в благих да умножит и да приложит многаа лета великому ти царствию. Аминь».