«некоторой бе воевода в Волокской земле одержим болезнию, оструплен телом и от изцелелия, чтоб ему от тое болезни излечитца роздал имения своево много врачем, и от врачей от той болезни исцелитися не мог. И приде ему на память о чюдесных великомученика Димитрея Селунского, и поеде в Селунь, яко да получит исцеление от святого великомученика Димитреа. И прйде в Селунь к церкви святого великомученика Димитрея и пребысть в церкве немного дни, не получив исцеления, и бысть в печали, и явися ему в нищи святый мученик Димитрей, и глагола ему, чтоб выняв ис сосуда полотенцо его, что лежит в его церкве, положив на голову себе, да от того он исцелеет. И он то полотенце, выняв, положил на голову себе и от того по предивному чюдеси святого мученика Дмитрея получил телу своему от острупления исцеление. И помыслил для исцеления от радости взятии от мощей из гроба святого великомученика Димитрея, тако даЭ, взяв от мощей его, устроить храм во имя святого великомученика в Волоской земле. И как приде ко гробу святого, и повел людем своим копати гроб святого мученика Димитрея, яко да возмет от мощей его. И как начаша копати бысть ане от гроба огнь, и хотел его и людей его всех пожечь, и видел Авгарь, что ему мощей мученика Димитрея взятии не возможно, и от того он впаде в печаль. И ане в ночи явися ему во сне святый великомученик Дмитрей и глагола ему: «невозможно тебе взятии от мощей моих из гроба моего никакие части», и он бы, Авгар взял его полотенцо, от него же он получил исцеление, и повелел создати в Волоской земле во имя его храм […]»