«Того же лета 7058-го, августа 28, пришел к царю и великому князю из Святыя Горы сербьского манастыря Хилондаря игумен Паисея, да с ним три старци.

И царь и великий князь велел у себя бытии в столовой избе. И игумен Паисея, вшед в ызбу, челом ударил в землю да явил от всей братии образ святого Савы да образ святого Симеона Серьбскых, обложены серебром, пядници, а крест Семиона же чюдотворца, что носил на себе. А в нем животворящее древо, да мощи святого первомученика архидиакона Стефана в серебре, да подал грамоту. И царь и великий князь велел то у него все взятии и казначею своему Феодору Ивановичю Сукину, а грамоту велел у него взятии диаку своему Ивану Михаилову, а игумена Паисею з братьею звал ести.

И игумен Паисея того дни у царя и великого князя ел в столовой избе.

И корм игумену Паисее з братьею велел князь велики давати доколе на Москве будет».