«(л. 76) Божиею милостию, царь и великий князь Иван Васильевич всеа Русии, Володимерскии, Московскии, Новгородскии, Псковскии, Смоленскии, // (л. 76 об.) Тферскии, Югорскии, Перьмскии, Вятцкии, Болгарскии, и иных многих земель государь, Востока и всее Северные страны повелитель, пожаловал есми игумена Генадия и священников, и старцов, и всю братью обители, иже во Святеи Горе, манастыря святого и славнаго великомученика и целебника Пантелеимона, или кто по нем в том монастыре иныи игумен будет, дали есмя им сесь наш лист. Коли к нам пошлют своих старцов милостыни ради, и они их посылают к нам с сем нашим листом. И коли те старцы поидут от нас из наших государьств назад во Святую Гору, и наши князи и бояре, и наместники //(л. 77) наши, и волостели, и по мытом мытчики, и по рекам перевозчики, и мостовщики, и иных никоторых пошлин не емлют по сеи нашеи грамоте; да и корм и подводы по дорозе наши ямщики и приказщики им дают. А прочитая сю грамоту, отдаваите им назад.

Писана в нашем государьстве, в нашем граде Москве, //(л. 77 об.) лета 7060 втораго, месяца июня в 1 день».